Mánudagur - mæða og matur

Nú er ég búin að minnka við mig vinnu og verð í 50% starfshlutfalli. Þá kemst ég tvisvar í viku í sjúkraþjálfun og einu sinni í viku togtækið hjá sjúkraþjálfaranum sem togar mig örlítið í sundur. Það hljómar eins og pynting en er virkilega þægilegt. Ég ætla áfram einu sinni til tvisvar í mánuði í nudd hjá Guðbrandi og reyni að komast í jóga og sund líka. Ég á smá séns í þessu starfshlutfalli.

Ég hitti lækninn minn á föstudaginn og hann var ánægður að sjá svona mikinn mun á mér á þessum stutta tíma, sem betur fer eru allir sammála um að ég ætti að forðast aðgerð. Hann staðfesti að ég er með brjósklos í neðstu 2 hryggjarliðunum og lét mig fá afrit af textanum úr myndatökunni - ég skildi enga heila setningu því þetta var allt á latínu. Hann fullvissaði mig um að þetta væri bara brjósklos, engin ástæða til að athuga neitt annað og ólíklegt að ég sé með gigt. Honum fannst þetta vera skólabókardæmi um brjósklos og ég er fegin því. Hann sagði mér að halda áfram að taka verkjalyf meðan ég þyrfti þau til að halda mér á hreyfingu og koma aftur eftir mánuð til að taka stöðuna í sambandi við starfshlutfallið. Við vonum að þetta gangi til baka a 3 mánuðum. 

Í morgun fór ég í sjúkraþjálfun og komst óvænt í tog í leiðinni og þetta breytti deginum, mér leið svo mikið betur eftir tímann. Svo fór ég í vinnuna.

Eftir vinnu ákvað ég að hafa einfaldan mat því það er jú mánudagur og börnin verða snemma svöng og þreytt og þar af leiðandi erfið. Ég keypti mér tilbúið pítsadeig og lét senda það heim frá Netto um helgina ásamt öllu öðru sem ég ætlaði að borða þessa viku sem Sturla er í Nice. Það hef ég aldrei gert áður enda sýndi það sig í dag þegar ég tók deig úr frystinum sem ég átti víst að geyma í kæli. Korter í sex var deigið í köldu vatnsbaði sem ég vonaði innilega að myndi afþíða það á fimm mínútum.

Það gekk ekki þ.a. í staðinn prófaði ég eitt sem ég hafði lesið um á netinu. Tortilla-pítsur.

Það var ÆÐISLEGA GAMAN að búa þær til með börnunum. 

Eyrún náði að sýna listræna hæfileika sína þegar hún sprautaði tómatsósu á fyrstu tortilla-kökuna.

Svo þurfti hún að drepa kallinn.

Þau settu allt áleggið á pítsurnar.

Mér fannst frábært að þau héldu að snakk væri álegg.

Meðan við biðum eftir að fyrsta "pítsan" bakaðist voru þau of upptekin við að setja á næstu til að kvarta yfir svengd. 

Þau lögðu á borð - þau eru orðin vön því og ég þarf ekki að taka fram að ég geti ekki beygt mig lengur.

Svo borðuðum við saman, ótrúlega auðvelt, rosalega gaman.

Tómatsósa er samt fáranlega sæt og ég myndi ekki nota hana nema ég væri að elda fyrir börn - sjálf myndi ég vilja sýrðan rjóma frekar.

Svo fengu allir skyr með rjóma í eftirrétt.

Setti börnin í bað, þurfti sex handklæði til að þurrka gólfið.

Gaf þeim pakka (ég er svo mikill sökker, kenni mömmu um). 

Horfði á tónlistarmyndbönd og litaði með þeim.

Krúttin mín sofnuðu saman, sátt og sæt.

Þá var pítsadeigið tilbúið og ég skellti í eina pítsu sem var miðnætursnarlið mitt og verður nesti á morgun. Ég setti allt sem börn fíla ekki á hana; brokkollí, lauk, ananas, gráðost, chili og oregano. Hún er ágæt en frekar bragðlaus, hefði viljað hafa almennilega sósu (notaði sýrðan rjóma) og betra deig.

Stórtíðindi dagsins eru að Birta Bjartur Blær, útskriftarmyndin hans Sturlu, verður sýnd á Curta Cinema í Rio de Janeiro en það er fyrsta A-hátíðin sem hún kemst á. Sturla er núna á kvikmyndahátíð í Nice og á leið til Berlínar bráðum og vonandi kemst hann líka til Brasilíu.

Sunnudagssæla

Börnin mín vöktu mig ekki fyrr en hálfníu sem er óvenju seint og Hrafn fór líka sjálfur fram og fann sér banana þ.a. dagurinn byrjaði þægilega. Þau voru svo óendanlega sæt og róleg. Mér var ekkert svo illt og prófaði að taka bara ibufen og paratabs en það dugði ekki út daginn þ.a. ég skipti aftur yfir í parkódín seinni partinn.

Mér var mjög óglatt í morgun og það eina sem mér dettur í hug að valdi því er að í gær borðaði ég mjög mikinn sykur, sérstaklega miðað við mataræðið sem ég hef tileinkað mér undanfarið. Ég fór í barnaafmæli og fékk mér tvær sneiðar af köku þar, svo hafði ég rauðvín með matnum og svaka eftirrétt: Rjómaís með marssósu, bananabitum og þeyttum rjóma - og ég fékk mér tvær skálar af honum líka.

Morgunmaturinn var afgangur af kvöldverði gærdagsins - grænmetisbollur og smælki. Mjög gott að byrja daginn svona.

Brunch á Borðinu, Ægissíðu, pizan er mjög þunn sem er skemmtilegt og gott kaffi. Hugsa að ég fái mér næst bara kaffi og kanilsnúð. Félagsskapurinn var samt betri en veitingarnar enda var ég með frænkum mínum sem eru stórskemmtilegar.

Við kíktum svo í smá heimsókn á Seltjarnarnes, þar var boðið upp á ávexti og pinkulitlar jarðaberjamuffins og Mía litla fór á kostum.

Kvöldmaturinn gleymdist eiginlega hjá mér en ég fór með Eddu og Beggu í bíó að sjá The Square sem er rosalega góð mynd sem lætur mann hugsa og pæla í samfélaginu. Við Edda deildum poppi, svo borðaði ég súkkulaði sem ég fann í bílnum líka. Núna ætla ég að ljúka deginum í rólegheitum með kirsuberjaskyri frá Örnu.

Góðir vinir eru allt

Það segir mamma mína allavegana.

Ég er nú nokkuð sammála henni hvað það varðar.

Annars leið mér miklu betur í morgun, ótrúlegur munur - hvíldin, sundið, bólgueyðandi lyfin - allt saman eða eitthvað af þessu virkar. Svo held ég að það hjálpi líka að gera aðeins eitt heimilisstarf á viku.

Mér leið allavega nógu vel til að taka ekki verkjalyf um leið og ég vaknaði, heldur beið ég framyfir morgunmat. Svo gladdi það mig mjög að ég er ekki lengur með náladofa niður allan vinstri fótlegginn heldur aðeins í tánum og smá undir ilinni, ég er með svakalegar harðsperrur í kálfinum og lærinu en að öðru leyti góð. Ég gat setið á hnjánum og skipt á Hrafni þó mig hafi svimað aðeins við að gera það, dagurinn byrjaði semsagt mjög vel.

Svo fór ég með Eyrúnu í ballet og vorum samferða Urði vinkonu hennar, þær skottur eru nú óendanlega sætar saman í þessum bleiku balletbúningum. Hrafn var góður að fara niður stigann en sparkaði stígvélinu af sér á leiðinni og ég þurfti að ganga tilbaka og leita að því, annars var hann nú yndislegur í vagninum.

Eftir ballet fórum við í barnaafmæli hjá Rúrik frænda sem var mjög skemmtilegt, flott veisla, góðir gestir, skemmtilegt afmælisbarn og allir í góðu skapi. Ég gleymdi að taka verkjalyf áður en ég fór af stað og fann að ég réði verr við stress fyrir vikið, skammaðist í Eyrúnu þegar við vorum að bíða eftir strætó og var örg um leið og mér varð illt. Hún tók það samt ekki nærri sér sem betur fer.

Við Sturla vorum löngu búin að bjóða Jóa og Stefaníu í mat en ég treysti mér ekki til að elda og halda alvöru matarboð ein þ.a. ég bauð þeim að koma klukkan fimm og elda saman. Þau tóku vel í það enda yndislegir vinir og Jói eldaði flókna réttinn og ég þann einfalda meðan Stefanía og Sturla sinntu börnunum. Ég mæli eindregið með því að bjóða fólki í svona matarboð sem það sér um, þau gengu meira að segja frá eftir matinn.

Við prófuðum tvær týpur af grænmetisbollum, báðar hefðu mátt vera saltari og þessar indversku kryddaðri. Ég setti kartöflumjöl út í hinar og þær urðu undarlegar, harðar að utan en seigar að innan.

Grænmetisbollur:
https://kruderiogkjanabangsar.wordpress.com/2015/08/17/graenmetisbollur-med-olivu-og-basilmauki/

Indverskar grænmetisbollur:
http://www.dv.is/lifsstill/2013/8/19/langar-til-ad-breyta-matarmenningu-islendinga-QZNZCB/




Þetta var samt frábært matarboð og við spiluðum eftir matinn. Ég reyndi að taka myndir af hópnum en hann myndast misvel, í raunheimi eru þau þó öll saman mjög sæt og frábær félagsskapur.

It's Friday Baby!

Mér finnst föstudagar alltaf skemmtilegir, jafnvel þegar ég hef verið heima alla vikuna.

Börnin voru mjög góð í morgun, ég var svo lengi að koma fér framúr (vegna leti, ekki verkja) að þau borðuðu morgunmat heima. Svo lögðum við af stað, Hrafn renndi sér niður stigana og klifraði upp í vagn sem Eyrún hafði haft til fyrir hann og Eyrún opnaði hurðina og beið eftir okkur.

Þegar börnin voru komin í leikskólann fór ég heim að fá mér morgunmat. Tvær sneiðar af Knudsen súrdeigs-rúgbrauði með smjöri og osti, harðsoðið egg, mömdlur og rúsínur og Örnu jógúrt með stórum kókosflögum.

Ég talaði við VR og Tryggingarnar til að sjá hvaða réttindi ég hef varðandi launalækkun þegar ég minnka við mig. VR heldur laununum í 80% í 9 mánuði. Tryggingarnar bjóða ekkert nema það sé alvarlegur sjúkdómur eða slys. Annars er ég með mjög fínar tryggingar miðað við minn aldur samkvæmt tappanum sem ég talaði við.

Svo horfði ég á OC þar til Sturla vaknaði (hann er á næturvöktum). Við fórum svo í deit í Mjóddina (classic!), tælenski staðurinn varð fyrir valinu þrátt fyrir tilboð á Subway. Tom ka kai súpa er í miklu uppáhaldi hjá mér þ.a. ég fékk mér slíka súpu en borðaði aðeins hálfan skammt af hrísgrjónum.

Össur hefur nokkrum sinnum minnst á að það hjálpi ekki mikið við bakverkjum að liggja í rúminu þ.a. ég hef reynt að ganga svolítið síðustu daga og nú fórum við hjónin í sund. Fyrst vorum við mjög lengi í nuddpottinum, ráð frá Braga svila mínum, svo synti ég nokkrar ferðir í skriðsundi. Það var æðislegt, í vatni get ég hreyft mig og þó ég syndi hægt þá get ég gert allar hreyfingarnar. Mér finnst íslenskar sundlaugar frábærar og sakna þeirra þegar ég er erlendis. Þegar mér var orðið kalt í sundlauginni skelltum við okkur í heitasta pottinn, svo kalda sturtu og sauna og loks kalda sturtu. Þvílíkir munur! Eftir sundferðina leið mér mikið betur og gat tekið stærri skref. Við sóttum börnin okkar og fórum til tengdó í mat.

Þar var lambasteik og heljarinnar veisla, gulrætur, baunir og kartöflur úr garðinum. Baunirnar og gulræturnar voru bornar fram hráar, þær voru dísætar og afskaplega bragðgóðar. Svo var maís og sveppasósa. Ég eldaði semsagt ekki neitt í dag en borðaði þó vel.

Eldað með listakonu

Mér líður enn of aftur betur í dag en í gær, þó ekki svo vel að ég treysti mér út úr húsi án verkjalyfa - en það hlýtur að koma að því.

Allt gekk vel í morgun, Hrafn vakti mig með kossi og Eyrún kom og knúsaði mig þ.a. ég var í hálfgerðri sæluvímu í byrjun dags, Eyrún sá um sig sjálf og var tilbúin á undan mér, Hrafn gekk niður tvær hæðir og pomsaði niður tvær og klifraði svo upp í vagninn sem Eyrún hafði fundið til fyrir hann. Ég rúllaði honum því í leikskólann og Eyrún hljóp samferða okkur og sýndi mér hvað hún gæti tekið stór skref, lítil skref og stokkið yfir polla.

Þegar ég kom heim fékk ég mér hafragraut með kókos, kanil og rúsínum, örlitlu salti og smá mjólk. Skolaði því niður með te og nartaði í carrs kex með osti. Nartaði þýðir samt að ég hafi borðað 5 kex.

Ég kíkti í heimsókn til Sigrúnar og Eddu og fékk þar einn risastóran kanilsnúð með latté.

Átti góða stund með þeim mæðgum og við ákváðum að elda saman stir-fry í hádeginu. Stir fry er alltaf skemmtilegt því þú grípur það grænmeti sem er til, steikir það með smá soja sósu og voilá - það er tilbúið. Ef Edda væri ekki í mat myndi ég bæta við 2 heilum chillium (helst rauðum) og chilliolíu.

Kínverskt stir-fry með núðlum og eggjum 

Olía
Hvítvínsedik - 2-3 msk
Soja sósa - eftir smekk
Sítrónusafi - 1 tsk (eða kreista 1/3 af sítrónu út í)
Hunang - "Dass"

Hvítlaukur, 3-4 rif
Engifer, 3 msk
Einn laukur (gulur)

Hálfur poki af frosnu wok grænmeti
Ein rauð papríka (því listakonan vildi hafa meiri litadýrð)
Hálfur poki af spínati
Einn lítill blómkálshaus
4 egg (set alltaf einu fleira en fólkið)
Lítill poki af kasjúhnetum

2 pakkar af instant núðlum (annar var með kjúklingabragði, hinn sveppabragði).

Fyrst suðum við instant núðlurnar með bragðefninu í pakkanum og létum standa.
Svo settum við olíu í wok pönnu og steiktum hvítlauk, engifer og lauk á miðlungshita þartil lyktin varð góð. Þá helltum við ediki og sojasósu yfir og bættum svo wok grænmetinu út í, smám saman skárum við niður hitt grænmetið og bættum út í. Þá héldum við áfram að hella ediki, soja sósu, sítrónusafa og hunangi yfir og pössuðum að setja lítið í einu og láta magnið ráðast af lyktinni.
Næst gerðum við gat í grænmetið í miðja pönnu og steiktum eggin þar, þetta var erfiðasta skrefið því hvorug okkar er þolinmóð en egg verða að fá smá tíma til að eldast. Þá hrærðum við þessu saman, sigtuðum núðlurnar frá vatninu og hrærðum þeim út í og bættum loks kasjúhnetunum við og slökktum undir. Rosalega auðveld uppskrift, hefðum auðveldlega getað verið sex að borða saman. Gaman að sjá Eddu elda þetta og skemmtileg stund.

Stulli sá svo um kvöldmatinn sem var mjög góður - kjúklingaleggir með indversku kryddunum, tamari sósu og sesamfræjum + Jamaican style sætkartöflu-og-kartöfluréttur með kókos og rúsínum + Sýrð rjómasósa sem var eins og kokkteilsósa með sweetchili. Myndin týndist því miður en þetta var bæði gott og girnilegt.

Allt að gerast

Mér líður mikið betur, er betri í dag en í gær.

Í morgun vaknaði ég við ungan skælbrosandi herramann sem rétti mér munnsprey og sagði "munnsprey" - búinn að læra þetta fína orð og kyssti mig svo og knúsaði eins og mesta krútt í heimi. Síðan vaknaði stórkostlega stóra systirin sem er ótrúlega dugleg og hjálpar mér mjög mikið núna og kom sér sjálf af stað. Hún kom fram af baðinu og sýndi mér að hún hafi burstað úr sér aðra tönn og var ánægð með tannleysið.

Hrafn ákvað að ganga niður alla stigana alveg sjálfur sem vakti hjá mér falsvon um að hann væri tilbúinn að labba í leikskólann í stað þess að sitja í vagni (ég vildi sleppa við að lyfta honum í eða taka hann úr vagninum). Hann var ekki tilbúinn til þess. Hann gekk að vísu alveg sjálfur en lagðist niður hjá pollum og blés í vatnið til að búa til bubblur. Honum fannst þetta mjög sniðugt og hlustaði lítið sem ekkert á mig sem útskýrði "ullabjakk, ekki gera þetta" en gat ekki lyft honum upp af jörðinni til að láta hann hætta þessu. Þ.a. þetta gerðist aftur og aftur á leiðinni en börnin náðu þó morgunmat í leikskólanum og ég var ánægð með það, kom við í bakaríinu og keypti tvö múslírúnstykki handa okkur hjónunum í morgunmat.

Ég lagði mig síðan í 4 klukkutíma og vaknaði við símtal frá bankanum; ég get endurfjármagnað húsnæðislánið og lækkað greiðslubyrðina, allt A lán, góðar fréttir. Ég hringdi líka í Domus og fékk tíma í sneiðmyndatöku 30. september og fannst þá pappírsvinnu dagsins lokið. Ég fór í sturtu og horfði á OC en gleymdi hádegismat og smurði mér því flatbrauð með osti og agúrku auk tebolla áður en ég sótti krakkana. Þau voru ánægð að sjá mig enda mætti ég snemma og kom þeim á óvart. Heimferðin gekk vel, við stoppuðum hjá færri pollum. Að vísu heimtaði Hrafn að ég héldi á sér hluta leiðarinnar, hann knúsaði fæturnar mínar þar til ég gaf undan og mér tókst að koma honum á háhest. Sem betur fer hitti ég nágrannakonu mína hjá stiganum heima því ég hafði ekki hugsað nógu langt fram í tímann til að finna hvernig barnið kæmist niður af háhestinum.

Þar sem tannálfurinn vildi mjúkan mat ákvað ég að skella í súpu, hún er mjög einföld og ég geri oft einhvers konar útgáfu af henni. Þarsem ég er að reyna að minnka bólgur ákvað ég að nota mjög mikið engifer og túrmerik og engan sykur eða mjólkurvöru.

Grænmetissúpa með kókos og túrmerik

Olía
Hálfur hvítlaukur (5-6 rif)
Stór biti af engifer (eins og tveir fingur)
Eitt búnt af vorlauk
Ein sæt kartafla (stór)
Ein krukka af kjúklingabaunum (skolaðar)
Ein dós af kókosmjólk
Vatn - 3 glös
Grænmetiskraftur  - 2 tsk

Krydd (auðvitað er þetta allt eftir smekk og má sleppa).
Túrmerik - slatti, súpan verður gul - ca. 1 msk
Kóríander - 1 tsk fræ, 3 tsk kryddið, eitt búnt lauf
Chillipipar - lítið - 1 tsk
Hvítur pipar - lítið - 1 tsk
Svartur pipar - 2 tsk
Garam Masala - 1 tsk
Kanill - 1 msk (Eyrún bað mig um að bæta þessu við því henni fannst súpan ógeðsleg áður)

Ég setti slatta af olíu í pottinn og steikti hvítlauk, engifer og vorlauk upp úr kryddblöndunni.
Ég skar sæta kartöflu í teninga og bætti við.
Þá hellti ég vatni yfir þ.a. kartaflan myndi sjóða.
Þegar suðan kom upp lækkaði ég hitann og bætti við grænmetiskraftinum og kjúklingabaununum.
Siðan fór kókosmjólkin út í.

Bragðmikil, góð og ódýr súpa.
Ef ég væri að elda fyrir fullorðna myndi ég bæta við 2-3 heilum chillium, geri það næst því börnin kunnu ekki að meta matinn (bar þeirra súpu reyndar fram með mjólk til að kæla og rúsínum).

   

   

Eftir mat fórum við Sturla í leikhús og sáum Smán, mjög áhugavert leikrit sem ég mæli með.
Sturla var nógu elskulegur til að hjálpa mér að klæða mig í sokkabuxur svo ég gæti verið fín í leikhúsinu.

Það var aðeins of mikið álag fyrir mig að sitja í bíl og sitja svo heilt leikrit þ.a. ég tók verkjalyf og dreif mig í rúmið með tölvuna. Ég ætla að sofa í sokkabuxunum svo ég geti verið fín til fara á morgun en þessa vikuna hef ég verið klædd í hjólastuttbuxur, rúllukragabol og inniskó.

Bakverkir og lífstílsbreytingar

Ég ligg í rúminu mínu eftir langan dag þar sem eina sem ætlast var til af mér var að fara með börnin mín tvö í leikskólann.
Mér tókst það.
Það tók að vísu 40 mínútur og ætti að taka korter, en það hafðist þó.
Hrafn tafði okkur um 12 mínútur í stiganum því hann vildi láta halda á sér niður og tæplega tveggja ára guttinn skildi ekki "nei, mamma GETUR EKKI haldið á þér, ég VIL ALVEG halda á þér en ég get það ekki, þú verður að labba" eða ef hann skildi það þá fannst honum rökin ekki nógu góð.

Síðan þá hef ég legið í rúminu, tekið sex parkódín og þrjár íbúfen, drukkið mikið vatn, reynt að teygja án þess að hreyfa hrygginn og hvílt mig. Mér var nefnilega skipað að vera heima og hvíla mig í viku vegna bólgu og bakverkja.

Læknirinn harðneitaði að giska hvað gæti verið að en ætlar að senda mig í sneiðmyndatöku. Mér finnst líklegt að ég sé með klemmda taug því ég er með náladofa í vinstri fætinum. Rósa heldur að ég sé með brjósklos. Google telur líklegt að ég sé með klemmda taug, brjósklos, æxli eða MS. Ég er ánægð með lækninn fyrir að neita að giska.

Hann ætlar að tala við mig aftur þegar hann fær niðurstöður ur sneiðmyndatökunni. Sem minnir mig á að ég þarf að hringja í Domus og reka á eftir henni, þau áttu að hringja í mig í dag.

Læknirinn sagði mér líka að ég þyrfti að fara í sjúkraþjálfun "því þú ræður greinilega ekki við þetta ein" og að minnka við mig vinnu "þú ættir að fá þér svona hlutastarf eins og margar konur eru í". Þ.a. ég mun gera það. Ekkert annað í stöðunni en að setja heilsuna í fyrsta sætið, heimilið í annað og vinnuna í þriðja.

Ég ætla að blogga um þetta í leiðinni, svona fyrst ég mun hafa tíma til þess.

Það sem liggur fyrir er að ég er að ofgera mér, líkamlega. Mér líður betur í dag heldur en mér leið í gær þökk sé hvíldinni, lyfjunum, og kremunum.

Í gær gekk ég niður í Mjódd, sem tekur venjulega 8 mínútur (þetta veit ég þökk sé strætóappinu) en tók 28 mínútur. Þegar þangað var komið var ég svo kvalin vegna ofreynslu að það leið næstum yfir mig á biðstofunni, þ.e.a.s. mig svimaði svakalega. Ég bað lækni sem átti leið hjá um að rétta mér vatnsglas og sú hélt greinilega að ég væri eitthvað geðveik því hún spurði mig aftur og aftur hvern ég ætlaði að hitta og hvar ég ætti eiginlega að vera. En ég náði að drekka vatnið og hvíla bakið í frábærri stöðu þar sem ég krýp fyrir framan stól og halla mér á hann í nokkrar mínútur þar til læknirinn sem ég átti að hitta kom og ég haltraði inn til hans. Þar kom ég illa frá mér öllum upplýsingum en hann virtist samt skilja mig, aðalega skildi hann að ég væri kvalin.

 Ég set mér hérmeð þrjú markmið sem ég ætla að standa við.

1. Að hvílast nóg, neyða mig til að slaka á svo ég geti sinnt börnunum mínum.
2. Að hreyfa mig fimm sinnum í viku, þó hreyfingin fari eftir dagsforminu - ætla að leggja sérstaka áherslu á jóga.
3. Að gera matarplan, ég þarf bæði að forðast mat sem eykur bólgumyndun og að spara pening fyrst ég þarf að minnka við mig vinnu.

Bananabread with cashews & chocolate

Today my baby girl is three months old!



Its not an actual birthday.... so no cake.... but its still an achievement so what´s almost a cake? Bananabread!



I tried to follow recipes, probably failing because I was trying to follow two recipes at once and forgot to check if I had all the ingredients until I was halfway through baking.

So I made my own recipe.... here it is:

3-4 bananas
3/4 cup brown sugar (púðursykur)
1/2 cup water
1/4 cup vegetable oil
2 tsp baking powder
1 cup wholewheat flour
1,5 cups white flour
1/4 tsp salt
1/8 tsp cayenne pepper
1/4 tsp cinnamon
70 gr dark chocolate (chopped up)
40 gr salted cashew nuts (chopped)

My method of baking is to throw all of the above into the kitchen aid mixer and let it stir it up for me, in no particular order. Then put it into the oven (in something that can go into the oven that you´ve put oil in to prevent sticking) at 180 degrees celsius for about one hour.



Serve with a lot of butter. Serves 5 people.



My aunt came to visit unexpectedly and joined us! We have the same birthday but she is an opera singer and I am not.



Eyrún avec moi:



Eyrún avec son père qui est en train de manger de pain de banane:



Enjoy!

Matarlist

Lasagne for veggie lovers

When I lived in New York I thought it would be nice to make lasagne for dinner one day, which was obviously a great idea. The only problem was that I didn´t know how to make lasagne nor did I have minced meat lying around, so as any good housewife would, I called my mother asking for recipes.

My mother, being as she is, cheerfully told me that making lasagne is really simple, you make a red sauce and a white sauce and layer them with lasagne plates, the only "rule" being to put white sauce on each side of the pasta. "Fair enough", I stated, and then asked how to make the white sauce.

"However you want!" was her helpful answer, and when pressed she said I could either make the classic one with milk and flour, or I could make a cheese sauce. Since cheese sounds much more gourmet, I decided that would be the better choice. For me and my gourmet fiancé, that is.

At the time I promised to upload that recipe for my vegetarian friends but never did. But that didn´t stop me from making it again, and that time I wrote down everything that went into each sauce, so at long-last, you have my recipe for vegetarian lasagne at your disposal. Apart from onion and garlic, all the vegetables can be substituted for some other veggies and it doesn´t really matter what sort of tomatoes you use. If you are entertaining guests that don´t eat onions, confirm that they are not allergic but just picky eaters, and then go ahead and chop all the onions into very small pieces before cooking.

Enough small talk, the recipe already!

Red sauce:
5 cloves garlic
1 teaspoon ginger
4-5 large onions
2 stalks celery
cayenne pepper & oregano to taste
1 cauliflower
2 red peppers (paprika)
1 can stewed tomatoes
1 small can tomatoe paste
4 tomatoes
oregano and black pepper to taste

White sauce:
5 gloves garlic
1/5th of an onion
1/2 a bunch of chives
1 Mexico-cheese (this is probably only available in Iceland so just use a cheese you like and a chili pepper instead or substitute this completely with blue-cheese)
1 pot "cooking cream", that is low-fat cream
1 tsp jam
1/2 small cheddar
75 cl milk

The top layer:
The rest of the cheddar (or whatever cheese you like).

Instructions:

Start with the red sauce: Fry the garlic, ginger, onions, and celery with cayenne and oregano - then when the onion turns a bit see-through add the rest after chopping it up:

Now make the white sauce: Again you fry the different types of onions first, then chop up the rest and add it to the pot which is cooking on a low heat.

Turn on the oven & layer them:

(Oil), white sauce, pasta, white sauce, red sauce, white sauce, pasta, white sauce, red sauce, white sauce, pasta, white sauce, cheese!
Leave in the oven for 45-60 minutes at 180 degrees celsius (depending on how cooked you like your pasta).

When I made this I had a very special guest of honour; our godson Hugi who was eating solid food at a dinnerparty for the first time!

Eggs&Co

Feed My Fiancé 1-2

BEER CHICKEN:

Beer Chicken from Kamma Thordarson on Vimeo.

MOJITO SALMON:

Mojito Salmon from Kamma Thordarson on Vimeo.

Hello to Sciences Po Paris au Havre from the UN

En anglais, svp!

I just attempted to celebrate "bolludagur", or as I like to translate it - ball day. These balls are made from the same dough as éclair au chocolat but cut in half, filled with jam and cream and then topped with chocolate. Eaten only once a year in Iceland, they are absolutely decadent. Sadly we put too much flour in the dough and ended up with biscuits. However, we will try again this weekend.

This same friend recently asked me how single life was treating me, due to my boyfriend being back home for a month. It was a good question and changed my attitude to his departure. Instead of missing him constantly like I did when we were a long distance couple, I decided to enjoy life as a single girl. Without cheating on him of course.

I spent my weekend in this spirit, headed to my favourite pub in New York on Friday to celebrate a friend´s birthday. That is the Peculier Pub on Bleecker street. Literally 3 minutes away from where I used to work, a classic bar with hundreds of bottled beers and a good lot on tap as well. The best thing on the menu is the mushroom burger, classic burger with mushrooms sautéed in beer and cheddar. Good fries. Goes down remarkably well with a Stella. Especially if that Stella is in a 1L beerglass. The tables have been carved into and the lighting is dull, the jukebox really makes the place what it is. Impeccable service and well, a great bar! For drinking beer that is.

But I didn´t go there to judge the bar. I had a much more important mission. To judge the girlfriends of two of my coworkers. Would they pass the ultimate test of being drunk together? I thoroughly enjoyed this test, until 7 am in fact and came home happy and a friend richer. On Saturday I remembered that I have been in a relationship for 3 years and it has taken a serious toll on my drinking abilities. So I spent the day wearing my red hungover sunglasses.

In the evening I had to go out though, I had promised a friend dinner and hookah. Feeling way too old for partying two nights in a row I headed to Alphabet City, a hyped but still cool area of New York. We went to Kazuza and ate slightly above average food and I had a mediocre glass of wine. The deco however was perfect for hookah, middle easter with red and golden tones. Really the sort of place you feel comfortable staying in. So stay we did, for five hours - and the hookah was absolutely excellent. They refilled the coals free of charge and kept it going for hours. We fell into a comfortable evening of talking about our boyfriends and making jokes. I had one horrible cocktail - A French Martini - but I´m pretty sure the pineapple juice was expired because the recipe sounded good; the waitress gave me a Sexy Red instead and it was absolutely delicious. The highpoint of the hookah bar, apart from the company of course, was the bellydancer. She had the perfect body, a glimmering golden costume and serious talent. She was gorgeous. The whole time she danced I was fixated and decided that if I ever have to live in a harem, I want her to be there with me.

When we left we saw a series of signs from the universe telling us to continue drinking, and we did. This time at the Beauty Bar, closer to Union Square. A fabulous place with a German speaking bouncer, always a plus! The people seemed gay or cult, we couldn´t really tell which but they were definitely more attractive than your average ABCian. The bar is mimicked as a hairdressers salon from the ´80s, and offers manicures 24/7. Good drinks. My friend repelled men with the classic line "I can´t hear you".... "I still can´t hear you".... until they got the hint and left her alone. Music to my liking and a discoball to top it all off.

Sunday was spent happily at home, lazing about and trying to understand twitter.

Le Havre!

2009

Gleðilegt nýtt ár kæri lesandi, mamma.

Árið 2008 var viðburðaríkara en flest ár hvað fjármál varðar, ég lenti í ýmsum skemmtilegheitum á borð við að British Airways hætti að fljúga til Íslands án tillits til þess að ég ætti flugmiða hjá þeim aftur út í heim og varð að kaupa mér miða hjá Icelandair í snari til að halda áfram kínverskunámi mínu í Hong Kong. Síðan vildi ég komast þaðan í apríl og flugfélagið Oasis fór á hausinn þannig að ég var strönduð á ný, langt frá fjölskyldu og kærasta. Síðan fæ ég þann heiður að vera titluð íslenskur námsmaður erlendis þegar bankarnir okkar hrynja og íslenska krónan verður afstæð.
Nú stunda ég nám við Sciences Po í Frakklandi og nem þar evrópsk-asísk fræði sem er mjög áhugavert nám og mikið, fullt að læra en þess vegna er maður í þessum annars óáhugaverða bæ, Le Havre í Normandy. Edda kom tvisvar í heimsókn og ælar nú að flytja nær mér eða til Parísar en hún er mjög góður gestur sem getur dundað sér tímunum saman meðan ég fer á fundi um verkefni og skemmti mér í skólanum. Síðan kom Stulli líka og hreifst svo af borginni að hann talar nú um að flytja þangað í vor. Ég er viss um að það sé vegna þess að ég benti honum í vitlausa átt að sjá sjóinn og hann gekk um fátækrahverfin í nokkra tíma.
Á síðasta ári fór ég til Ho Chi Minh og Filippseyja sem ég hef aldrei komið til áður og foreldrar mínir heimsóttu mig ásamt Hallveigu og Emil til Hong Kong og við fórum saman til Pekínar sem var mjög skemmtileg ferð með mikið af Sichuan mat.
Þetta ár verður að öllum líkindum skemmtilegt, ég hef góða tilfinningu fyrir því.

Jólafílingur

Bráðum koma blessuð jólin, börnin fara að hlakka til.
Reyndar hlakkar mamma mín alltaf meira til en nokkurt barn sem ég þekki og ég hlakka líka til, hlakka til að koma heim og fagna jólum! :)
Skemmtileg tilviljun - ég kenndi ensku í menntaskóla í Lin Yi sem er hvorki frægur né áhugaverður staður, mjög afskekktur.... og móðir og systir eins kínverskukennara hér í Le Havre (sem kennir mér) lærðu í þessum menntaskóla!
Þið sem hélduð að "lítill heimur" ætti bara við um Ísland... !

Sæl og glöð

Hér er mjög skemmtilegt að vera, mér var boðið í tvö matarboð á fimmtudaginn og valdi það sem mér fannst hljóma meira spennandi, kóreskur matur. Sá alls ekki eftir því, þvílíkur unaður! Steven eldaði í svona fjóra klukkutíma og þegar hann kláraði einn rétt borðuðum við hann, meðan hann útbjó næsta var hann með fingerfood. Þetta var svo ótrúlega góður matur að ég er búin að biðja hann sérstaklega að bjóða mér aftur ásamt Stulla þegar hann veður hjá mér í nóvember því þessu er varla hægt að lýsa. Því miður kann ég engin nöfn á réttunum en þeir voru mjög kryddaðir og rosalega góðir, skemmtilegir og frumlegir frá mér séð. Ég er yfir mig hrifin. Hann sýndi mér hvernig hann eldaði það sem hann gerði þetta kvöld og hefur lofað að kenna mér líka að gera kóreskar pönnukökur "from scratch" og ég hlakka svo til. Sem dæmi um rétt var steikt svínakjöt sem maður dýfir í mjög sterka sósu sem er um leið svolítið bitur og með því tekur maður hrá græn chilli og dýfir í sósuna og borðar. Annað var einhverskonar sterkfiskisúpa sem maður hellir yfir hrísgrjón og borðar og sashimi (reyndar ekki kóreskt) og hinu get ég ekki lýst því ég kann ekki orðin en vá, þetta var gott!

Í gær var svo almennilegt djamm með viðeigandi partíum og klúbbastuði, vorum mörg úr skólanum og skólastjórinn mætti sjálfur ásamt eiginkonu sinni sem kennir mér frönsku. Þau dönsuðu svo með okkur og voru kammó. Ég rölti heim og þá voru einhverjir strákar sem fylgdu mér því það er víst hættulegt að ganga ein heim um nótt hérna. Mér líður alls ekki þannig. Svo æfi ég líka franskt box eins og ég útskýrði fyrir manni sem hafði áhyggjur af því að ég væri ein á röltinu. Héðan í frá fer ég samferða fólki heim til að valda ekki íbúum Le Havre hugarangri og áhyggjum.

Fann kínverska búð nálægt heimilinu mínu sem selur mat frá allri Asíu, yndislegt! Nú get ég eldað allt sem mér finnst auðvelt og skemmtilegt að elda, hráefni sem ég fann aldrei á Íslandi og eigandinn er Kínverji sem er líka skemmtilegt. Fór á markaðinn í dag og keypti mér grænmeti, þar á meðal ólífur sem ég held að komi beint frá Afríku, ótrúlega góðar.

Frakkland, upplifanir

Ég hef orðið vitni að tveimur almennilegum mótmælum með skrúðgöngum og látum. Síðan hef ég fylgst með fólki borða croque monsieur, ganga um með franska hatta, borða osta "rétt" (og mér er boðið í osta-og-rauðvínskvöld með Frökkum), allt lokað í hádeginu (sérstaklega mikilvægar skrifstofur eða pósthúsið þegar starfsfólkið er ekki í verkfalli), fólk sem notar gemsann sinn sem hátalara meðan það gengur um borgina, skriffinnsku helvítis, menn sem ganga um með baguette og halda að þeir hafi fundið stóru ást lífsins, strákar sem strauja gallabuxurnar sínar, fólk sem fer út að ganga með hundana sína og öskrar á þá allan göngutúrinn og dettur ekki í hug að þrífa upp skítinn, ekta franskan hreim, Frakka sem neita að tala ensku og er byrjuð að kyssa stráka á báðar kinnar þegar ég hitti þá. Þetta er mjög skemmtilegt líf.

Skólinn er líka skemmtilegur eða réttara sagt virkilega áhugaverður og nemendurnir eru álíka hrifnir af orðabókum og sögu tungumála og ég auk þess sem þeim finnst spennandi að kaupa stílabækur, námsbækur og penna. Algjörir nördar. Sem fylgjast vel með og margir hafa spurt mig út í meint gjaldþrot Íslands með spurningum á borð við "hver er þjóðarframleiðsla ykkar nákvæmlega?" "Hvernig tókst ykkur þetta eiginlega?" og búast við ítarlegum og gáfulegum svörum frekar en táraflóði. Ég veiti þeim hvorugt. Mér finnst samt skemmtilegast hérna að þetta er orðið eins og kommúna, maður gengur á milli og fær hvað sem vantar lánað, alltaf stórir hópar að borða saman hér og þar og allir velkomnir og almennt mjög góð stemning í húsinu.

Kúrsarnir mínir eru:

Politics and Societies of North East Asia. (Lærum hvað samfélag er, hvaða reglur gilda og hversvegna, hvers vegna fólki finnst það tilheyra hópi eða samfélagi, hvernig ákvarðanir eru teknar o.fl. o.fl. Lesum fréttir og setjum í sögulegt samhengi, berum ávallt saman þjóðir Kóreu, Japan, Mongolíu og Kína; skoðum aðeins Norður-Kóreu).

Franska, skemmtilegt og einn daginn mun ég þora að tjá mig á þessu tungumáli. Læt ykkur vita.

Kínverska, segir sig sjálft.

Chinese calligraphy, læra að skrifa svona flott dæmi sem þið getið síðan hengt upp á vegg, er að bíða eftir fyrsta tímanum.

Lögfræði með áherslu á frönsk lög og alþjóðalög, hvað gerist þegar þau stangast á og lærum að setja mál okkar fram á réttan hátt ef við viljum að franskir lögfræðingar virði okkur viðlits.

Saga, saga frá upphafi tíma fram á 18. öld á hálfu ári og þau virðast ekki ætla að sleppa neinu. Taka fyrir helstu heimspekinga, leiðtoga og uppfinningamenn Evrópu og Asíu, bera saman í tímaröð og fjalla virkilega ítarlega um allt. Ég skil ekkert í þessum kúrsi þar sem þetta var versta fagið mitt áður fyrr og í hverjum tíma eru milljón ný nöfn, þúsund ný ártöl og oftast einhver kort sem við eigum að kunna utanað (og áttum að kunna áður en við komum).

Microeconomics, hér er mikill hluti námsefnisins að lesa The Economist, Financial Times og Wall Street journal og við fjöllum um hvað er að gerast, hvers vegna og hvernig hefði verið hægt að koma í veg fyrir það. Um leið og basic hagfræði. Svolítið óþægilegt að hafa aldrei lært hagfræði áður þegar fólkið sem er með manni í tímum útskrifaðist af hagfræðibrautum og eitthvað bull.

Quantitative methods, stærðfræði hagfræðinnar. Hélt að þetta yrði auðvelt fyrir mig sem útskrifaðist af náttúrufræðibraut en í fyrsta tímanum reiknuðum við dæmi úr fjórum stærðfræðiáföngum og ég fékk óskiljanlega löngun til að sjá vasareikninn minn aftur. Ekki bara tölfræði.

Great Political Writers. Þetta er valfag og við ráðum þessu svolítið sjálf, ég á að finna mér eitthvað efni tengt stjórnmálum og ræða það síðan með tilvísunum í einhverja merkilega rithöfunda, þið megið endilega koma með uppástungur. Heimildir mega vera á öllum tungumálum. Þetta má líka vera merkilegur pólitískur atburður (sbr. stofnun Alþingis) og afleiðingar eða hrein heimspeki um hvað stjórnmál eiga að gera.

Boxe Francais, held mér veiti ekki af smá hreyfingu og þetta virðist vera svipað og kickboxing þannig að ég er spennt. Búin að redda læknisvottorðinu sem var nauðsynlegt til að mega skrá mig í leikfimi.

Team Project, þetta er áfangi en við ráðum hvað við gerum og ég ætla, aldrei þessu vant, að gera árbók. Mikil vinna en fólkið sem hefur beðið um að vera í hópnum er mjög vant, hæfileikaríkt og greinilega tilbúið að leggja á sig heilmikla vinnu þannig að ég verð ekki ein í þessu. Þurfum að redda styrkjum og prentun og öllu svona sjálf.

Síðan ætla ég að vera í English debating society og vonandi keppa í ræðumennsku, English parliamentary style. Skólinn borgar þá undir mann farið til hvaða lands sem keppnirnar eru en þær eru t.d. Model EU og að ég held Model UN. Skólar sem keppa á móti okkur eru m.a. Cambridge, Oxford og Ivy League skólar Ameríku, við erum ekki með alvöru þjálfara og frekar chillað viðhorf sem lýsir sér þannig að ef maður vill og hefur tíma til að fara þá má maður það svo lengi sem það er ekki búið að fylla öll plássin.

And that´s it.