Það er hægt að horfa a Coupling a youtube! :)

Steini kom í úlpunni sinni, stóru stóru úlpunni sinni í heimsókn til mín. Hann var með drasl í öllum vösum og ég tók á móti honum með setningunni “Geez elskan! Það mætti halda að þú værir hundrað kíló!!!!!!!” Hann horfði á mig í smá stund eins og ég væri hálfviti og sagði síðan “Kamma, ég ER hundrað kíló!!!” Þá leið mér eins og ég væri gáfuð. Gáfuð og sniðug. Stundum er betra að reyna ekki að vera fyndinn. Það misheppnaðist aftur hjá mér í dag þegar stelpan sem leysir mig af sagðist ekki hafa mætt í vinnuna í tvo daga. Ég svaraði á hnyttinn hátt, “Hvað, bara letingi?” og þá sagði hún “Nei, ég var í jarðarför”. Vandræðalegt móment. Vandræðalegt móment. Árbók þeirra sem útskrifuðust með mér um jólin árið 2007 er í prentun. Það er skrýtin tilfinning, þegar við Dagbjört verðum búnar að keyra hana út verð ég búin að kveðja MH. Í dag fór ég aftur í vinnuna eftir þetta skemmtilega veikindafrí. Ég skilaði líka inn skattkortinu mínu og sagði upp vinnunni. Ég hef ákveðið að gera eitthvað sniðugt, ferðast eitthvert og hitta einhvern og skipuleggja hluti stundum svona vel.